ஐந்தே மாதத்தில் 40 கிலோ எடையை குறைத்த பெண்… அப்படி என்ன சாப்பிட்டார்… நீங்களே பாருங்க…

உணவுகளைப் பற்றி எழுதும் ஃபுட் பிளாகராகப் பணியாற்றி வரும் சஹானா சில மாதங்களுக்கு முன்பு வரை கட்டுப்படுத்த முடியாத அளவு நீரிழிவு பிரச்சினையையும் ரத்த சர்க்கரை அளவும் கொண்டிருந்தார். அவருடைய வயது 32. அதேபோல அதீத உடல்பருமன் பிரச்சினையும் இருந்தது. இதை தன்னுடைய ஆரோக்கியத்துக்குப் பெரும் ஆபத்து என்பதை மனதால் உணர்ந்த சஹானா அதிலிருந்து எப்படியாவது மீள வேண்டும் என்றும் தன்னுடைய வாழ்க்கையை சரிசெய்து கொள்ள வேண்டும் என்றும் நினைத்தார். எந்தவொரு பயிற்சியாளரோ ஆலோசகரோ இல்லாமல் தன்னுடைய சொந்த முயற்சியால் வெறும் ஐந்தே மாதத்தில் 40 கிலோ வரை குறைத்திருக்கிறார்.

​யார் இந்த பெண்?

அவர் பெற்ற ஊக்கம் என்ன, அவருடைய முழு ஈடுபாடு, கடைபிடித்த உடற்பயிற்சி மற்றும் உணவு முறைகள் குறித்து எல்லோரும் தெரிந்து கொள்ள வேண்டியது அவசியம்.

  • பெயர் – சஹானா ஷெட்டி
  • தொழில் – ஃபுட் பிளாகர் (food blogger)
  • வயது – 32
  • உயரம் – 5 அடி 9 இன்ச்
  • நகரம் – மும்பை
  • அதிக எடை – 125 கிலோ
  • குறைத்த எடை அளவு – 40 கிலோ
  • எடை குறைக்க எடுத்துக் கொண்ட காலம் – 5 மாதம்

​உங்களுக்குத் திருப்புமுனையாக அமைந்தது எது?

என்னுடைய உடல் ஆரோக்கியம் நாளுக்கு நாள் மோசமாகிக் கொண்டே போவதை நான் உணர்ந்தேன். என்னுடைய ரத்த சர்க்கரை அளவும் கொலஸ்ட்ரால் அளவும் அளவு கடந்து சென்று கொண்டிருந்தது. அதற்கு சிகிச்சை பெறுவதற்காக மருத்துவரைச் சந்திக்கச் சென்றேன். அப்போது மருத்துவர் சொன்னார், நீங்கள் உங்களுடைய எடையைக் குறைக்க வேண்டும் இல்லாவிடில் அடிக்கடி உடல்நிலை சரியில்லாமல் போவதைத் தடுப்பதற்கான வழிமுறைகளைக் கையாள வேண்டும் என்று.

அப்போதுதான் முடிவு செய்தேன் என்னுடைய அதிகப்படியான எடையைக் குறைக்க வேண்டும் என்று. அதில் எந்த ஆலோசகரும் தனிப்பட்ட உடற்பயிற்சியாளரும் இல்லாமல் என்னுடைய முயற்சியாலேயே எடையைக் குறைக்க முடிவு செய்தேன். அப்போது நான் செய்த முதல் விஷயம் சர்க்கரை பொருள்களைச் சாப்பிடுவதை நிறுத்தியது தான். சர்க்கரையை உணவில் சேர்ப்பதை முற்றிலும் தவிர்த்தேன். ஒரு சில நாட்களிலேயே நல்ல மாற்றங்களை உணர ஆரம்பித்தேன். இதுவே என்னை ஊக்கப்படுத்திய திருப்புமுனையாகக் கருதுகிறேன்.

​என்ன டயட் பின்பற்றினார்?

காலை உணவு – காலையில் வழக்கமாக சிறு தானியங்களால் செய்யப்பட்ட தோசையும் அதற்குத் தொட்டுக் கொள்ள கறிவேப்பிலை அல்லது பூண்டு சட்னி எடுத்துக் கொள்வேன்.

மதிய உணவு – எடை குறைக்க நினைத்த தருணத்தில் இருந்து கோதுமை சாப்பிடுவதையும் நிறுத்திவிட்டேன். அதற்கு பதிலாக கம்பில் செய்த ரொட்டிகளும் அதனுடன் வீட்டில் செய்யப்படும் காய்கறி மசாலாக்களும் தொட்டுக் கொள்ள எடுத்துக் கொண்டேன்.

இரவு உணவு – ராகியில் செய்த ஏதேனும் ஒரு உணவை எடுத்துக் கொள்வேன்.

உடற்பயிற்சிக்கு முன் – உடற்பயிற்சிக்கு முன்பாக எந்த உணவும் சாப்பிடுவதில்லை.

உடற்பயிற்சிக்குப் பின் – உடற்பயிற்சிக்குப் பின்னும் எந்த உணவையும் நான் சாப்பிடுவதில்லை.

டயட்டை ஏமாற்றுவீர்களா? – இதை நான் கட்டாயம் சொல்ல வேண்டும். இந்த ஐந்து மாதத்தில் ஒரு நாள் கூட நான் டயட்டை முறையாகப் பின்பற்றாமல் டயட்டை ஏமாற்றவில்லை.

குறைந்த கார்போ உணவுகள்

நான் என்னுடைய உணவில் கலோரிகளைக் கணக்கிட்டு எதுவும் சாப்பிடவில்லை. அதிக கார்போ உணவுகள் மற்றும் கொழுப்பு உணவுகளைக் காட்டிலும் முழு தானியங்களை எடுத்துக் கொள்வது மிக ஆரோக்கியமும் ஊட்டச்சத்தும் கொண்டது என்பதை நான் முழுமையாக நம்பினேன். அதோடு புரத உணவுகளை அதிகமாக எடுத்துக் கொள்ள வேண்டும்.

சிம்பிளா எப்படி சிறுதானிய உணவு செய்வது?

சிறு தானியங்களில் தோசை செய்து சாப்பிடுவது உண்மையிலேயே மிகவும் ஆரோக்கியமானது. நாம் வழக்கமாக சாப்பிடும் தோசை, ரொட்டிகளை விட சுவையும் நிறைந்தது. ஒரு கப் கொண்டைக்கடலை, கம்பு, ராகி, சாமை, தினை, குதிரைவாலி போன்ற ஏதேனும் ஒரு சிறு தானியத்தை எடுத்துக் கொள்ளுங்கள். அதோடு அரை கப் உளுந்தும் சேர்த்து நான்கு மணி நேரம் ஊற வைக்க வேண்டும். அதை நன்கு தோசை மாவு பதத்திற்கு அரைத்துக் கொள்ள வேண்டும். அரைக்கும்போது தோசை மிருதுவாக வருவதற்காக ஒரு கைப்பிடி அவல் சேர்த்துக் கொள்ளலாம். இரவு முழுவதும் புளிக்க வைத்து, காலை மற்றும் இரவில் தோசை செய்து சாப்பிடலாம். இது மிகவும் சுவையான மற்றும் ஆரோக்கியமான டிபனாக நிச்சயம் இருக்கும்.

​உடற்பயிற்சி ரகசியம்

நான் தினமும் நடைப்பயிற்சி செல்ல ஆரம்பித்தேன். இப்போது மிகவும் ஆக்டிவ்வாக இருக்கிறேன். எப்போதெல்லாம் நேரம் கிடைக்கிறதோ அப்போதெல்லாம் நடப்பேன். ஆனால் அதைத் தாண்டி வாக்கிங் செல்லும் போது ஒரே சமயத்தில் ஒன்றரை மணி நேரம் வரை தொடர்ந்து நடப்பேன். அவ்வப்போது நேரம் கிடைக்கிற பொழுது யோகா செய்வதுண்டு.

கடின உடற்பயிற்சி என்பது நம்முடைய முழு உணவைப் போல பிரதானமானது அல்ல. அதுவும் ஒரு பாகம். அவ்வளவு தான். தனியே கடினமான உடலை வருத்தும் பயிற்சிகள் எதுவும் செய்யவில்லை. நம்முடைய உடலை ஆரோக்கியமாக வைத்துக் கொள்ள மெட்டபாலிசத்தை மேம்படுத்துவதும் ஜீரணசக்தியை மேம்படுத்தி மலச்சிக்கல், அஜீரணக் கோளாறு ஆகியவற்றைப் போக்குவதும் தான் முக்கியம். அதைத் தான் உடற்பயிற்சிகளும் செய்கின்றன. நான் வழக்கமாகக் கொண்ட ஒரு பயிற்சி என்னுடைய உணவு சாப்பிடும் முறையையே நான் பயிற்சியாக மாற்றிக் கொண்டது தான். ஆம். நான் பசுவைப் போல உணவை நன்கு மென்று அசைபோட்டு மெதுவாக சாப்பிடுவேன். சாப்பிடும் உணவையே 32 கையளவு இருக்கும்படி சிறிது சிறிதாக மென்று சாப்பிடுவேன். அது மிகப்பெரிய மாற்றத்தை ஏற்படுத்தியது.

​எடை குறைக்கும் எண்ணத்திலிருந்து மாறாமல் இருந்தது எப்படி?

சர்க்கரை எந்த வடிவத்தில் சேர்க்கப்பட்டிருந்தாலும் அந்த உணவை சாப்பிடாமல் தவிர்த்தேன். சர்க்கரை என்பது நம்மை அடிமைப்படுத்தும் மருந்தை போன்றது. ஒருமுறை சாப்பிட்டால் மீண்டும் சாப்பிட வேண்டும் என்று தோன்றும். அதனால் அந்த பக்கமே திரும்பக் கூடாது. நான் முற்றிலும் தவிர்க்க ஆரம்பித்த பின் எனக்கு சர்க்கரை என்ற பொருள் இருப்பதன் நினைவுகூட வருவதில்லை.

நான் சர்க்கரை சாப்பிடுவதை மிஸ் பண்ணுவதாக நினைப்பதே இல்லை.

​அதிக எடை இருப்பதன் மிகப்பெரிய பிரச்சினை என்ன?

லேசாக ஏதேனும் வேலை செய்யும் போது அல்லது அசௌகரியமாக இருக்கும்போதோ மூச்சு விடவே கூட சிரமமாக இருக்கும். நம்முடைய உடலே நமக்கு மிகவும் பாரமாக, ஹெவியாக கடினமாக ஏதோவொன்றை தூக்கிச் சுமப்பதாக நினைப்போம். அதுபோன்ற சமயங்களில் நம்முடைய தன்னம்பிக்கை இழந்து போகும். தன்னம்பிக்கை குறையும். நானும் மிகவும் தன்னம்பிக்கை இழந்து நம்பிக்கையே இல்லாமல் இருந்தேன். பிடித்த உடைகளைப் போட முடியாமல் போகும்போதும் நம்முடைய உடையின் அளவைப் பார்க்கும் போதும் இது இன்னும் மோசமாகும்.

​அடுத்த 10 வருடத்துக்கு எப்படி உடலை வைத்துக் கொள்ள விரும்புவீர்கள்?

-10-

உடல் எடை குறைந்த பிறகு இந்த உடலை எனக்கு மிகவும் பிடித்திருக்கிறது. எனக்கு இது அதிக ஊக்கத்தைக் கொடுத்திருக்கிறது. என்னுடைய வாழ்க்கையை நான் ஃபிட்டாக வைத்திருக்க முயற்சி செய்வேன். இதை தொடர்ந்து கடைபிடிக்க நினைக்கிறேன். ஆனால் ஒருபோதும் என்னுடைய பழைய வாழ்க்கை முறையைப் பின்பற்றவே கூடாது என்பதில் உறுதியாக இருக்கிறேன். அடுத்த 5-10 ஆண்டுகளில் ஆரோக்கியமான சிறுதானிய, முழு தானிய உணவு முறையைப் பின்பற்றவும் யோகா செய்வதையும் தொடர வேண்டும். என்னுடைய உடலை ஆரோக்கியமாக வைத்துக் கொள்ள வேண்டும் என்று விரும்புகிறேன்.

​உங்க லைஃப்ஸ்டைலில் செய்த மாற்றம் என்ன?

என்னுடைய வாழ்க்கை முறையில் இரண்டு மிகப்பெரிய விஷயங்களை நான் செய்வதை நிறுத்தி விட்டேன். ஆம் சர்க்கரை உணவுகள் சாப்பிடுவதையும் அசைவ உணவையும் சாப்பிடுவதை நிறுத்திவிட்டேன். அதுவே எனக்கு மிகப்பெரிய மாற்றத்தைக் கொடுத்தது.

​உங்களுடைய மோசமான தருணம் எது?

நான் முன்பொருமுறை மருத்துவரிடம் செல்லும்போது, அங்கு வந்திருந்த பலரும் சர்க்கரை நோயால் காயங்களும் ஆறாமல், சிலர் கை மற்றும் கால்களை இழந்தவர்களாக இருந்தனர். அப்போது மருத்துவர் என்னிடம் சொன்னார் உங்களுடைய சர்க்கரை அளவின் நிலைமை இவர்குளைவிடவும் மோசமானதாக ஆகும் அளவு அதிகமாக இருக்கிறது என்பது தான். அந்த தருணத்தை தான் என் வாழ்வின் மிக மோசமான தருணமாகக் கருதினேன்.

எடை குறைப்பு பயணத்தில் நீங்கள் கற்றுக் கொண்ட பாடம் என்ன?

நாம் டயட்டை பின்பற்ற வேண்டும் என்று முடிவு செய்துவிட்டால் இதற்கென தனியே ஊட்டச்சத்து நிபுணர்களைத் தேடிச் செல்ல வேண்டும் என்ற அவசியம் இல்லை. நம்முடைய மனது தான் நம்முடைய டயட்டீசியன். மிகச்சிறந்த டிரெயினரும் அதுதான். நம்முடைய மனது இதைப் புரிந்து கொண்டாலே நம்முயைட வாழ்க்கை கேம் நம்மை அழகாக, ஆரோக்கியமாக மாற்றிவிடும்.

Leave a Reply

This site uses Akismet to reduce spam. Learn how your comment data is processed.

error: Content is protected !!