இலங்கையில் இடம்பெறவுள்ள புத்தாக்க உச்சி மாநாடு

உலகெங்கிலும் உள்ள 50 நாடுகளின் பிரதிநிதிகள் பங்கேற்கும் ஒரு மாபெரும் சர்வதேச மாநாடு நாளை (20) மற்றும் நாளை மறுநாள் (21) கொழும்பில் நடைபெறவுள்ளது.

இந்த மாநாட்டிற்கு  இலங்கையின் புத்தாக்க உச்சி மாநாடு 2025 என்று பெயரிடப்பட்டுள்ளது.

இந்த சிறப்பு மாநாட்டை அப்சர்வர் ஆராய்ச்சி அறக்கட்டளை, இலங்கையில் உள்ள இந்திய உயர் ஸ்தானிகராலயம் மற்றும் கெபிடல் மகாராஜா குழுமம் இணைந்து நடத்துகின்றன.

இலங்கையை புத்தாக்கத்திற்கான உலகளாவிய மையமாக மாற்றும் நோக்கத்துடன் இது ஏற்பாடு செய்யப்பட்டுள்ளது.

50 நாடுகளைச் சேர்ந்த அமைச்சர்கள், பாராளுமன்ற உறுப்பினர்கள், மூத்த அரசு அதிகாரிகள் மற்றும் பல்வேறு துறைகளைச் சேர்ந்த உயர்மட்ட நிபுணர்கள் இந்த மாநாட்டில் பங்கேற்க உள்ளனர்.

இலங்கை போன்ற நாடுகளின் திறன்களையும் புதிய கண்டுபிடிப்புகளையும் முன்னிலைப்படுத்தி, சர்வதேச அளவில் அவை தனித்து நிற்க அனுமதிப்பது மற்றொரு நோக்கமாகும்.

அந்த நாடுகளின் எதிர்கால பொருளாதார வளர்ச்சிக்கான புதிய மேம்பாட்டுத் தீர்வுகளைத் தேடுவதும் இதில் அடங்கும்.